Պուտին-Ռոհանի-Ալիև հանդիպումը հետաձգվել է. Կրեմլ
Ռուսաստանի, Ադրբեջանի և Իրանի նախագահներ Վլադիմիր Պուտինի, Իլհամ Ալիևի և Հասան Ռոհանիի հանդիպումը հետաձգվել է, այն ավելի ուշ տեղի կունենա: Ինչպես փոխանցում է РИА Новости-ն, այս մասին լրագրողներին հայտնել է ՌԴ ղեկավարի մամուլի քարտուղար Դմիտրի Պեսկովը:
«Ռուսաստանի, Ադրբեջանի և Իրանի նախագահների գագաթնաժողովը, որը նախատեսվում էր անցկացնել այս շաբաթ, հետաձգվել է՝ տեխնիկական պատճառներով», - ասել է Պեսկովը:
Ավելի վաղ ՌԴ Հյուսիսային Կովկասի հարցերով նախարար Սերգեյ Չեբոտարյովը հայտարարել էր նախագահների առաջիկա հանդիպման մասին, որը պետք է տեղի ունենար օգոստոսին՝ Սոչիում:
