Հասարակություն

Փաստաթղթի չտրամադրումը օրենքի խախտում չէ. քաղաքապետարանի խոսնակ

Փաստաթղթի չտրամադրումը օրենքի խախտում չէ. քաղաքապետարանի խոսնակ
Երևանի պաշտպանության ճակատը պատրաստվում է դատական հայց ներկայացնել դատարան ընդդեմ Երևանի քաղաքապետարանի: Ըստ ԵՊՃ-ի՝ Երևանի քաղաքապետարանը կոպտորեն խախտել է «Տեղեկատվության ազատության մասին» ՀՀ օրենքի…

Երևանի պաշտպանության ճակատը պատրաստվում է դատական հայց ներկայացնել դատարան ընդդեմ Երևանի քաղաքապետարանի: Ըստ ԵՊՃ-ի՝ Երևանի քաղաքապետարանը կոպտորեն խախտել է «Տեղեկատվության ազատության մասին» ՀՀ օրենքի 11-րդ հոդվածի պահանջները՝ իրենց հարցմանն ի պատասխան տեղեկատվություն չտրամադրելով: Նախաձեռնությունը գրավոր հարցում էր ուղարկել Երևանի քաղաքապետարան՝ «Սանիթեք» ընկերության հետ կնքված պայմանագրերը ստանալու համար:

ArmDaily.am-ի հետ զրույցում քաղաքապետարանի մամուլի խոսնակ Հակոբ Կարապետյանը նշեց, որ փաստաթղթի չտրամադրումը օրենքի խախտում չէ.«Որևէ իրավական ակտ կամ փաստաթուղթ քաղաքացուն տրամադրելու կարգը սահմանվում է օրենքով և այլ իրավական ակտերով: Մենք գործ ունենք երկկողմանի պայմանագրի հետ: Որտեղ կա որոշակի տեղեկատվություն երրորդ կողմին փոխանցելու պայմաններ»:

 

Կարապետյանը նշեց, որ քաղաքապետարանը հաշվի առնելով հայցի առկայությունը նախընտրում է տեղեկատվությունը տալուց առաջ հաշվի առնել այդ փաստը.«Դա երկկողմանի պայմանագիր է, կողմերից մեկը հայց է ներկայացրել ու խնդիր ունի Երևանի քաղաքապետարանի հետ, և քաղաքապետարանը որպես բարեխիղճ գործընկեր ճիշտ է համարում պայմանագրի մասին տեղեկատվություն տրամադրելու հարցը քննարկելիս հաշվի առնել վեճի առկայությունը»:

Նմանատիպ հոդվածներ

Ավելին Հասարակություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7460) Միջազգային (3260) ԱՄՆ (2287) Ռուսաստան (2107) Իրան (1738) Ընտրություններ (1273) Ուկրաինա (827) Երևան (799) Իսրայել (759) Ադրբեջան (621) Փաշինյան (560) Եվրոպա (510) Ընդդիմություն (437) Թրամփ (430) Ազգային ժողով (417)

Radio Aurora

Լսել Radio Aurora

Գովազդային տարածք

300x250