«Սանիթեք»-ը մեկ պայման է դրել. Հակոբ Կարապետյանը ներդրումների մասին

««Սանիթեք»- կողմից որևէ նոր առաջարկ չի եղել, որը արժանի կլինի լրացուցիչ քննարկման կամ դիրքորոշման թարմացման», – օգոստոսի 9-ին ասել է  Երևանի քաղաքապետի մամուլի խոսնակ Հակոբ Կարապետյանը՝ լրագրողների հետ խոսելով աղբահանության խնդրի մասին: 

Կրկնելով Երևանի քաղաքապետի ասածները այդ թեմայի վերաբերյալ, Հակոբ Կարապետյանը նշել է, որ համագործակցության դուռը միշտ բաց է եղել «Սանիթեքի»-ի համար, քաղաքապետարանը այդ դուռը երբեք չի էլ փակվել: Նա հիշեցրեց, որ 2-3 շաբաթ առաջ հանդիպում է եղել «Սանիթեք»-ի և քաղաքապետի առաջին տեղակալ Հրաչյա Սարգսյանի, խորհրդականների մասնակցությամբ և նոր բան չի հնչել: 

«Սանիթեք»-ի առաջարկներից մեկը վերաբերում է ներդրումներին, իսկ դրա համար որևէ խոչընդոտ չկա և այդ ներդրումները կարող են արվել: 

««Սանիթեք»-ի կողմից ներդրումներ անելու համար միայն մեկ պայման է դրել, որ ոչ մի դեպքում չպետք է խզվի պայմանագիրը: Քաղաքապետարանը ոչ մի դեպքում չի էլ կարող խզել պայմանագիրը, բացառությամբ այն դեպքի, երբ «Սանիթեք»-ը չի կատարում իր պարտականությունները: Այդ դրույթը ամրագրված է կնքված պայմանագրերում և ուժի մեջ է մինչ օրս»,- ասաց Հակոբ Կարապետյանը: