Բրուցելոզի տարածվածության մասին հայտարարած ֆերմերին այսօր հրավիրել են Ոստիկանություն. News.am

Հայաստանում խոշոր եղջերավոր անասունների շրջանում բրուցելոզի տարածվածության մասին մասին հայտարարած ֆերմերին այսօր հրավիրել են Ոստիկանություն: Այդ մասին հայտնում է News.am-ը նշելով որ այսօր հրավիրված ասուլիսին լրագրողներին տեղեկացրել է Սննդի անվտանգության պետական ծառայության նախկին պետ Գրիգոր Գրիգորյանը` անդրադառնալով օրեր առաջ ֆերմեր Տիգրան Եղոյանի ասուլիսին:

«Երեկ ինձ հետ կապվել է այդ ֆերմերը եւ խնդրել է իրեն օգնել, ես խոստացել եմ, որ իրեն կօգնեմ , նա ասաց, որ իր այդ հայտարարությունից հետո ինքը սկսել է ենթարկվել ճնշումների մարզի ադմինիստրացիայի կողմից եւ գյուղի ադմինիստրացիայի կողմից, եւ այսօր արդեն  հրավիրել են Ոստիկանություն, երբ նա հարցրել է` ինչի՞ համար եք հրավիրել, ի՞նչ եմ ես արել, նրան պատասխանել են` կգաս, կասենք: Չնայած դեռ չգիտենք՝ ինչի համար են հրավիրել, բայց ես ենթադրում եմ` այդ հայտարարությունից հետո նրա վրա սկսվել են ճնշումներ՝ ընդհուպ մինչեւ իր գործունեությունը դադարեցնելու նպատակով»,-ասաց Գրիգորյանը:

Նա նաեւ ֆերմերներին կոչ արեց սատարել իրենց գործընկերոջը, նաեւ «Ագրարարգյուղացիական միությանը» և իրավապաշտպաններին սատարել եւ հնարավորինս աջակցություն ցուցաբերել այդ ֆերմերին, որպեսզի հանկարծ չհիմնավորված ճնշումներ չիրականացվեն։