Երեկ՝ օգոստոսի 5-ին, արտակարգ դեպք է տեղի ունեցել Երևանում։ Արգիշտի և Գրիգոր Լուսավորիչ փողոցների խաչմերուկում շահագործվող մարդատար Газель-ը մի պահ խոտանվում է, ինչի հետևանքով էլ օրվա պիկ ժամին նշված հատվածում երթևեկությունը դառնում է անվերահսկելի, ինչպես ժողովուրդն է ասում՝ կաթվածահար է լինում։ Ինչպես հայտնում է  shamshyan.com-ը՝ մինչ խոտանված ավտոմեքենայի վարորդը կահազանգեր Երևանի ճանապարհային ոստիկանության օպերատիվ կառավարման կենտրոն, ինչպես նաև գծատիրոջը, նշված Газель-ը հրելով անվտանգ վայր է տեղափոխում մի քաղաքացի, ում, կարելի է ասել, ոչ մի վարորդ չի փորձում օգնության ձեռք մեկնել։ Հավանաբար, վարորդները տեսնում են, որ մեքենան հրողը հաղթանդամ, առողջ, ամրակազմ տղամարդ է։ Ինչպես հայտնում է ֆոտոլրագրող Գագիկ Շամշյանը, այդ քաղաքացին, պարզվում է, ճանապարհային ոստիկանության ճանապարհային ոստիկանության ճանապարհատրանսպորտային պատահարների հետաքննության և վարչական վարույթի իրականացման բաժանմունքի ավագ հետաքննիչ Գրիգոր Կիրակոսյանն է, ով, լինելով հանգստի մեջ, օգնության ձեռք է մեկնում անսարք վիճակում գտնվող Газель-ի վարորդին։ © shamshyan.com https://shamshyan.com/hy/article/2019/08/06/1131933/