ՊԵԿ-ը խնդրանքը դատարանին` Մանվել Գրիգորյանի ունեցվածքը հանել կալանքից
ԱԺ նախկին պատգամավոր Մանվել Գրիգորյանի գործով Պետական եկամուտների կոմիտեն գրություն էր ուղարկել դատավորին այն մասին, որ ՊԵԿ իրավաբանական վարչությունը խնդրում է այս գործով գույքի վրա դրված կալանքի մի մասը վերացնել՝ հնարավորություն տալով, որ ՊԵԿ-ն աճուրդ-վաճառքի եղանակով գույքի իրացում կատարի՝ 1 միլիարդ 18 միլիոն դրամի շարժական և անշարժ գույքը վաճառի և ուղղի պետբյուջե՝ որպես հարկային պարտավորության կատարում:
Ինչպես դատավորը նշեց խոսքը «Արա և Այծեմնիկ» ԲԲԸ-ի մասին է, որի ամբողջ գույքի վրա նախաքննական մարմնի կողմից կալանք է կիրառված:
Պաշտպանական կողմն էլ հակադարձեց` միջնորդությունն իրավաչափ չէ, որովհետև գործը դատական վեճերի փուլում է գտնվում և, բացի այդ, վարչական գործ կա հարուցված:
