Դատավոր Դավիթ Գրիգորյանի լիազորությունները կասեցվել են
ArmLur.am-ի տեղեկություններով` Բարձրագույն դատական խորհուրդն օրերս կասեցրել է դատավոր Դավիթ Գրիգորյանի լիազորությունները: Հիշեցնենք, որ նա այն դատավորն է, որը ՀՀ երկրորդ նախագահ Ռոբերտ Քոչարյանին ազատելու որոշում էր կայացրել և ում աշխատասենյակը խուզարկել էին:
Տեղեկությունը ճշտելու նպատակով ArmLur.am-ը զրուցեց Դատական դեպարտամենտի ղեկավար Կարեն Փոլադյանի հետ, որը հաստատեց մեր ունեցած տեղեկությունը: Մենք նաև տեղեկացանք, որ Գլխավոր դատախազի պաշտոնակատարը դիմում է ուղարկել ԲԴԽ՝ նրա նկատմամբ քրեական հետապնդում իրականացնելու մասով և ԲԴԽ-ն ըստ օրենքի կասեցրել է նրա լիազորությունները: Ինչպես հայտնի է՝ նրա հանդեպ քաղաքացիների դիմումի հիման վրա քրեական գործ է հարուցվել:
