Ալավերդու պղնձագործարանի ՝աշխատանքից ազատված աշխատակիցներն կրկին բողոքի ցույցի են դուրս եկել: «Էյ-Սի-Փի» ընկերության տնօրեն Լուսինե Մեջլումյանը հանդիպեց նրանց հետ և ասաց, որ ընկերությունը, պարապուրդի պայմաններում, 6 ամիս աշխատավարձ է վճարել՝ հույս ունենալով, որ գործարանի վերաբացման առումով դրական տեղաշարժ կլինի, սակայն այլևս անհնար է այս տարբերակով վճարել աշխատակիցներին: Ինչպես հայտնում է shantnews.am-ը` ընկերության տնօրենը բացատրել է, որ կառավարության՝ արտանետումների թույլատրելի սահմաններում գործարանը աշխատել չի կարող: Նա նշել է, որ այլևս չեն կարող վճարել աշխատակիցներին և ստիպված են լուծարել աշխատանքային պայմանագրերը:

«Էյ-Սի-Փի» ընկերության ղեկավարի հետ հանդիպումից հետո աշխատանքից ազատված ընկերության նախկին աշխատակիցները փակեցին Երևան-Թբիլիսի երկաթուղին: