![Բացահայտվել է պայմանագրային զինծառայողին դանակահելու դեպքը. 19-ամյա տղան խոստովանել է](https://auroranews.am/storage/img/base_image/old/7090413aaa93faba526aa5ac1333f4a5.webp)
Բացահայտվել է պայմանագրային զինծառայողին դանակահելու դեպքը. 19-ամյա տղան խոստովանել է
![Բացահայտվել է պայմանագրային զինծառայողին դանակահելու դեպքը. 19-ամյա տղան խոստովանել է](https://auroranews.am/storage/img/base_image/old/7090413aaa93faba526aa5ac1333f4a5.webp)
Հունիսի 27-ին, ժամը 23.05-ին, ոստիկանության Վաղարշապատի բաժնում հիվանդանոցից հաղորդում է ստացվել, որ «կրծքավանդակի ձախ կեսի կտրած-ծակած վերք» ախտորոշմամբ բուժօգնության է ընդունվել 25-ամյա մի քաղաքացի:
Ոստիկանությունից հայտնում են, որ մեկնած օպերատիվ խմբի ծառայողները պարզել են, որ հունիսի 27-ին, ժամը 22.30-ի սահմաններում, Շահումյան գյուղի սկզբնամասում ծագած վիճաբանության ընթացքում, 19-ամյա մի քաղաքացի ձեռքին եղած դանակով հարվածել է տուժածի կրծքավանադակին՝ պատճառելով վնասվածք:
Միջադեպի մասնակիցները ոստիկանությունում բացատրություններ են տվել։
Մասնակից այլ անձանց հայտնաբերելու ուղղությամբ ձեռնարկված միջոցառումների արդյունքում, հունիսի 28-ին, ժամը 03.15-ին, բացատրական աշխատանքի շնորհիվ, 19-ամյա քաղաքացին ինքնակամ ներկայացել է բաժին եւ տվել խոստովանական բացատրություն:
Ձեռնարկվում են միջոցառումներ հանցագործության գործիքը հայտնաբերելու ուղղությամբ:
Նշանակվել է դատաբժշկական փորձաքննություն:
Կատարվում է քննություն։