114 կողմ, 4 դեմ ձայներով Վիգեն Քոչարյանն ընտրվել էր ԲԴԽ անդամ: ԱԺ-ում նիստը սկսելուց առաջ այսօր Քոչարյանը նախ երդվել է, ապա ստորագրել երդման տեքստը: Երդվելով՝ Քոչարյանը պարտավորվել է ապահովել դատարանների և դատավորների անկախությունը:

Հիշեցնենք, որ ԱԺ-ն շարունակում է հունիսի 21-ին սկսված արտահերթ նստաշրջանը:

Արտահերթ նստաշրջանի օրակարգում  21 հարց է:

Քննարկվելու են նաև Հայաստանի Հանրապետության հարկային օրենսգրքում փոփոխություններ և լրացումներ կատարելու մասին, «Ազգային ժողովի կանոնակարգ» սահմանադրական օրենքում փոփոխություններ և լրացումներ կատարելու մասին օրենքների նախագծերն ու  Հայաստանի Հանրապետության հաշվեքննիչ պալատի 2018 թվականի գործունեության վերաբերյալ տարեկան հաղորդումը: