Տղամարդու կողմից սիրուն աղջկան գովեստը էնքան վտանգավոր չի, ինչքան տղամարդու կողմից սիրուն տղամարդու գովեստը․ Գևորգ Պետրոսյան
Ինձ թվում է՝ տղամարդու կողմից սիրուն աղջկան գովեստը էնքան վտանգավոր չի, ինչքան տղամարդու կողմից սիրուն տղամարդու գովեստն է։ Այս խոսքերով ԲՀԿ պատգամավոր Գևորգ Պետրոսյանը սկսեց իր ելույթն ԱԺ ամբիոնից։ Պատճառը Էդմոն Մարուքյանի արտահայտությունն էր, որ Քաղավիացիայի պետ Տաթևիկ Ռևազյանին բնորոշել էր որպես «էն սիրուն աղջիկը»։
Ազգային ժողովում այդ թեման այսօր քննարկման թեմա դարձավ՝ կոնկրետ օրենսդրական նախագծի քննարկման փոխարեն, ու դա վրդովեցրել էր Պետրոսյանին։ Նա կոչ արեց՝ եթե միմյանց էլ չեն հարգում, հարգեն ժողովրդին ու ԱԺ ամբիոնից խոսեն միայն բուն թեմայով։«Ի՞նչ է նշանակում սեփական դարդ ու ցավը գալ ստեղից, բոլորովին ուրիշ առիթներով հնչեցնել։ Էստեղ նստած բոլորս, ամեն մեկս տարբեր հետաքրքրություններ, շահեր ունենք մեր կյանքում, բայց գալ ինչ-որ ուրիշ նախագծի ժամանակ սեփական մտքերը խմբագրելու անհաջող փորձ կատարել …Հորդորում եմ այդպես չվարվել», – ասաց Պետրոսյանը։
