Վրաստանի ՆԳՆ` երկրում տիրող իրավիճակի մասին

Վրաստանի ներքին գործերի նախարարությունը հայտարարություն է տարածել անդրադառնալով երկրում տիրող իրավիճակին: ՆԳՆ-ն հորդորել է ցուցարարներին, քաղաքական կուսակցություններին և նրանց կողմնակիցներին դուրս չգալ օրենքի սահմաններից, պահպանել հասարակական կարգը և իրենց կարծիքը խաղաղ կերպով արտահայտել:

Հայտարարության մեջ ասվում է. 

«Այսպիսով, մենք տեղեկացնում ենք, որ հունիսի 20-ի հանրահավաքի ընթացքում ձերբակալվածներից 121-ը վարչական կալանք է կրում, իսկ մնացածն ազատ են արձակվել վարչական տուգանքով կամ էլ պարզապես բանավոր զգուշացումով: Որոշ իրավախախտների գործի քննությունը հետաձգվել է:

Մենք նաև ցանկանում ենք հանրությանը տեղեկացնել, որ Ներքին գործերի նախարարության գլխավոր տեսչությունն արդեն սկսել է ուսումնասիրել հունիսի 20-ի հանրահավաքում իրավապահ մարմինների աշխատակիցների (ներառյալ լրագրողներին) իշխանության հնարավոր իրավախախտման փաստերը: Նշված իրավապահները այլևս ընդգրկված չեն հանրահավաքների ընթացքում օրենքի պաշտպանության և անվտանգության հարցում»: