Երբեք որևէ կուսակցության անդամ չեմ եղել. ԲԴԽ անդամի թեկնածու
Վիգեն Քոչարյանի ԲԴԽ անդամի թեկնածությունն առաջադրել է «Իմ քայլը» խմբակցությունը: Լրագրողների հետ զրույցում Քոչարյանը նշել է, որ երբեք որևէ կուսակցության անդամ չի եղել և երկար տարիներ աշխատել է ԵՊՀ-ում, եղել է եվրոպական և միջազգային իրավունքի ամբիոնի հիմնադիր վարիչ:
«Հետագայում առաջարկ եմ ստացել իմ գիտելիքները գործնականում կիրառելու համար և 2015 թվականից մինչ օրս աշխատել եմ արդարադատության նախարարի տեղակալ, որը կոորդինացնում էր միջազգային իրավական համագործակությունը, մարդու իրավունքների պաշտպանության ոլորտը և այլն»,- ասել է Քոչարյանը:
ԲԴԽ անդամի թեկնածուն նաև անդրադարձել է Վահե Գրիգորյանի` երեկ արած հայտարարությանը և նշել, որ դա Վահե Գրիգորյանի` որպես Սահմանադրական դատարանի դատավոր, կարծիքն է, որը հիմնված է սահմանադրական դրույթների վերլուծության հիման վրա:
