Բարձրագույն դատական խորհրդի թեկնածու է առաջադրվելու արդարադատության փոխնախարար Վիգեն Քոչարյանը: Այս մասին տեղեկությունը NEWS.am-ին հաստատեցին արդարադատության նախարարությունից:

Ըստ մամուլի տեղեկությունների, Վիգեն Քոչարյանն այսօր այցելել է խորհրդարան եւ հանդիպում ունեցել իշխող «Իմ քայլը» խմբակցության անդամների հետ:

Ավելի վաղ հայտնել էինք, որ նախօրեին Ազգային ժողովում Գրիգոր Բեքմեզյանն ընտրվել է Բարձրագույն դատական խորհրդի անդամ: