ՏԵՍԱՆՅՈՒԹ. Պատերազմի սպառնալիքով չեն կարող մեզ վախեցնել. Նիկոլ Փաշինյան
Չկա մի հանդիպում, որի ժամանակ չի քննարկվում Արցախի՝ բանակցային սեղանի մոտ վերադառնալու թեման։ Արցախյան հակամարտությունն էլ արդեն 25 տարի գտնվում է բանակցային փուլում։ Այս մասին այսօր Ազգային ժողովում պատգամավորներից մեկի հարցերին պատասխանելիս ասաց վարչապետ Նիկոլ Փաշինյանը։
«Հայաստանի Հանրապետությունը և Արցախի Հանրապետությունը ի վիճակի են պաշտպանել իրենց ու երկրի շահերը, ինչպես դիվանագիտական, այնպես էլ, անհրաժեշտության դեպքում, առաջնագծում։ Եվ էս ընթացքում մենք դա ապացուցել ենք և կշարունակենք ապացուցել»,- ասաց Փաշինյանը։
Վարչապետը նշեց՝ Հայաստանն ու Արցախը պատերազմ չեն ուզում, բայց պատերազմի սպառնալիքով որեւէ մեկը չի կարող մեզ վախեցնել:
ՏԵՍԱՆՅՈՒԹԸ՝ news.am-ի
