Դատակրանում մահացել է Եգիպտոսի նախկին նախագահ Մուհամմեդ Մուրսին

Եգիպտոսի նախկին նախագահ Մուհամմեդ Մուրսին մահացել է:

Ինչպես հայտնում են միջազգային լրատվականները`  Մուրսինի ինքնազգացողությունը վատացել է դատական նիստից հետո, նա կորցրել է գիտակցությունն ու վախճանվել։

Մուհամմեդ Մուրսին եգիպտացի պետական և քաղաքական գործիչ է: 2012 թվականի հունիսի 30-ից մինչև 2013 թվականի հուլիսի 3-ը եղել է Եգիպտոսի նախագահը (թվով 5-րդ նախագահն է): Նա  Ազատություն և արդարություն կուսակցության նախագահն էր: Կուսակցությունը հաստատվել է միջազգային պանիսլամիզմի կազմակերպություն Մուսուլման եղբայրների կողմից 2011 թվականի ապրիլի 30-ին՝ Եգիպտական հեղափոխությունից հետո: 2012 թվականին Մուրսին հաղթել է նախագահական ընտրությունների երկրորդ փուլում: Նա երկիրը կառավարեց մեկ տարուց մի փոքր ավելի մինչև այն պահը, երբ 2013 թվականի հուլիսի 3-ին ռազմական հեղաշրջման հետևանքով նրա ռեժիմը տապալվեց: Նրա ռեժիմի տապալումից հետո նոր ղեկավարները Մուրսիին ձերբակալեցին, նոր իշխանությունները նրան մեղադրեցին քաղաքական ռեպրեսիաներ հրահրող Մուսուլման եղբայրներ կազմակերպության հետ կապեր ունենալու մեջ, հետագայում կազմակերպությունը համարվեց ահաբեկչական: