Թուրքիայում ուսումնական օդանավ է կործանվել. զոհեր կան
Թուրքիայի Անթալիա նահանգում ուսումնական օդանավը օդ բարձրանալուց րոպեներ անց վայր է ընկել։ Ինչպես հայտնում է թուրքական Milliyet–ըՙ ավիավթարը տեղի է ունեցել Մանավգաթի շրջանում:
Օդանավի վայր ընկնելու հետեւանքով զոհվել է 2 եւ վիրավորվել՝ 1 օդաչու։
Քննություն է սկսվել դեպքի հանգամանքները պարզելու համար: Չի բացառվում, որ օդանավն անսարք վիճակում է եղել:
