Գեղարքունիքում Mercedes-ը կողաշրջվելով հայտնվել է դաշտում․ 2 հոգի հոսպիտալացվել է
Գեղարքունիքի մարզում հունիսի 9-ին խոշոր ավտովթար է տեղի ունեցել:
Shamshyan.com-ի փոխանցմամբ՝ ժամը 13:20-ի սահմաններում Արարատի մարզի բնակիչ, 28-ամյա Կարեն Մխիթարյանը իր վարած Mercedes մակնիշի 07 OO 781 համարանիշի ավտոմեքենայով` Սևան-Մարտունի-Գետափ ավտոճանապարհի 75 կմ հատվածում, դուրս է եկել ճանապարհի երթևեկելի գոտուց և կողաշրջվելով հայտնվել դաշտում:
Վթարի հետևանքով վարորդ Կ. Մխիթարյանն ու նրա ուղևոր, 27-ամյա Լ.Մ.-ն մարմնական վնասվածքներով տեղափոխվել են Մարտունու բժշկական կենտրոն, որտեղից էլ սանավիացիայի ուղղաթիռով Լ.Մ.-ն տեղափոխվել է «Էրեբունի» բժշկական կենտրոն։
Ոստիկանության կողմից փաստի առթիվ նյութեր են նախապատրաստվում:
