Ջուլիան Ասանժին խոշտանգել ու տանջել են. ՄԱԿ-ի հատուկ զեկուցող
Խոշտանգումների հարցերով ՄԱԿ-ի հատուկ զեկուցող Նիլս Մելցերը հայտարարել է, որ WikiLeaks-ի հիմնադիր Ջուլիան Ասանժին խոշտանգել են:
Ինչպես հայտնում է Times-ը` Ասանժի մոտ հոգեբանական տանջանքների հետևանքները նկատելի են, մասնավորապես պարբերական բնույթ կրող անհանգստության նոպաները, սթրեսը:
«Ասանժի մոտ առկա են երկար ժամանակ ճնշումների ու տանջանքների ենթարկված մարդու բոլոր նախանշանները»,- ասել է Մելցերը:
Ավելի վաղ հայտնի դարձավ, որ Ասանժը գտնվում է բժիշկների հսկողության տակ:
