Եթե նույնիսկ Մխիթարյանը Բաքու գար, միևնույն է, պահեստայինների նստարանին էր մնալու. Արշավին
Ռուսական ֆուտբոլի նախկին աստղ, ՈՒԵՖԱ-ի գավաթակիր, Եվրոպայի առաջնության մրցանակակիր Անդրեյ Արշավինը կիսվել է «Չելսի»-«Արսենալ» (4:1)խաղի մասին իր տպավորություններով:
Նշենք, որ Արշավինը Բաքվից «Մատչ» հեռուստաալիքով մեկնաբանել էր Եվրոպայի լիգայի եզրափակիչը:
«Ես կարծում էի, որ դա կլինի լարված, նյարդային հանդիպում, որտեղ թիմերից որեւէ մեկը կհաղթի մեկ գոլով,-ասել է Արշավինը, - Եվ նույնիսկ խաղից առաջ նախապատվությունը տալիս էի «Արսենալին», սակայն «Չելսիի» այդքան վստահ հաղթանակը ինձ համար անակնկալ էր: Ինչ վերաբերում է Մխիթարյանի բացակայությանը՝ Հենրիխը «Արսենալի» հիմնական ֆուտբոլիստը չէ: Այդ իսկ պատճառով նա, ամենայն հավանականությամբ, նույնիսկ եթե գար, մնալու էր պահեստայինների նստարանին»:
Ըստ Արշավինի` նրա բացակայությունը ոչ մի կերպ չի ազդել արդյունքի վրա:
