Պետդումայի պատգամավորը` Փաշինյան-Պուտին չկայացած հանդիպման մասին

Երեկ Նուր Սուլթանում, որտեղ անցկացվում էր Եվրասիական տնտեսական բարձրագույն խորհրդի նիստը, տեղի չունեցավ ՀՀ վարչապետ Նիկոլ Փաշինյանի և ՌԴ ղեկավար Վլադիմիր Պուտինի հանդիպումը: Русарминфо-ն այդ կապակցությամբ զրուցել է ՌԴ Պետդումայի ԱՊՀ, եվրասիական ինտեգրացիոն և հայրենակիցների հարցերի կոմիտեի նախագահ Լեոնիդ Կալաշնիկովի հետ: Նա նշել է, որ, հավանաբար, հանդիպմանը խանգարել են ինչ-որ հանգամանքներ, քանի որ եթե ՌԴ նախագահը մի բան նախատեսում է, ապա, սովորաբար, անում է: «Նշանակում է` եղել են ինչ-որ հանգամանքներ, որոնք իսկապես թույլ չեն տվել հանդիպմանը կայանալ: Պետք չէ այդ ամենում ինչ-որ դավադիր պատճառներ որոնել: Ոչ, ամենայն հավանականությամբ, այդպես ստացվել է, մանավանդ, որ հոկտեմբերին նախատեսված է Պուտինի պաշտոնական այցը Հայաստան: Չեմ կարծում, որ դրանում դիտավորություն է եղել»,- ասել է Կալաշնիկովը` հավելելով, որ կատարվածը չի ազդի հայ-ռուսական հարաբերությունների վրա: