Արագածավանցիները ողջ գիշեր ճանապարհը փակ են պահել, նրանց են միացել այլ գյուղեր. News am
Արագածոտնի մարզի Արագածավան համայնքի բնակիչները, որոնք մայիսի 29-ի կեսօրից փակել էին Երեւան-Գյումրի միջպետական ավտոճանապարհը եւ Երեւան-Գյումրի երկաթգիծը, այս պահի դրությամբ դեռ չեն բացել: Նրանք գիշերը եւս այնտեղ են եղել: Գյուղացիները դժգոհում են ոռոգման ջրի սակագնից: Այս մասին այսօր՝ մայիսի 29-ին, NEWS. am-ին հայտնեցին համայնքի բնակիչները:
Հիշեցնենք, արագածավանցիները մեկ ամիս է՝ դժգոհում են նրանից, որ ՋՕՄ-ը որոշել է ոռոգման ջրի դիմաց գործող հեկտարի փոխարեն գանձվող գումարը հաշվարկել ըստ լիտրի, ինչի արդյունքում 1 հա հողատարածքը ոռոգելու համար ջրի սակագինը ահռելի չափով կբարձրանա։
«Երեկ առավոտից մինչեւ հիմա փակ է ճանապարհը: Ինչքան պետք է՝ կփակենք, մինչեւ արձագանք լինի:Այսքան մեծ անտարբերություն չէինք կարող սպասել. Ֆուռեր են կանգնած, մարդիկ, սպասում են, բայց մինչեւ այս պահը որեւէ արձագանք չկա: Մենք մինչեւ վերջ ենք գնալու»,-NEWS.am-ին հայտնեց ասաց գյուղացիներից մեկը: Ակցիայի մասնակիները սպառնում են, որ եթե պատկան մարմիններից իրենց խնդրին լուծում չտրվի, քարեռրով կփակեն Թալինի տարածաշրջանի կենտրոնական ջրագիծը:
Նշենք, որ ակցիային են միացել նաեւ հարեւան Քարակերտ եւ Արտենի գյուղերի բնակիչները:
