Թրամփը պատրաստ է Իրանի հետ բանակցել

ԱՄՆ նախագահ Դոնալդ Թրամփը համարում է, թե Իրանը ցանկանում է ԱՄՆ-ի հետ բանակցություններ վարել, հետևաբար Թեհրանի պատրաստակամության դեպքում Վաշինգթոնը կհամաձայնի երկխոսությանը: Այս մասին Միացյալ Նահանգների առաջնորդը հայտնել է Տոկիոյում` Ճապոնիայի վարչապետ Սինձո Աբեի հետ զրույցում: "Ես հավատում եմ, որ Իրանը ցանկանում է բանակցություններ վարել մեզ հետ: Եթե Իրանը ցանկանում է մեզ հետ բանակցել, մենք նույնպես դա կցանկանայինք: Տեսնենք` ինչ կստացվի, ոչ ոք չի ցանկանում, որպեսզի սարսափելի բաներ տեղի ունենան",- վստահեցրել է Թրամփը: Ավելի վաղ Իրանի ԱԳՆ ղեկավար Մոհամադ Ջավադ Զարիֆը հայտարարել էր, որ իր երկիրը պատերազմ չի ուզում, և վստահություն էր հայտնել, Միացյալ Նահանգների դեմ զինված հակամարտություն չի կանխատեսվում: