Շաուրմա՞, իսկապե՞ս. Կիևցիները քննադատել են Զելենսկուն` քաղաքին ուղղված շնորհավորանքի համար

Ուկրաինայի մայրաքաղաք Կիևի բնակիչներին դուր չի եկել Ուկրաինայի նախագահ Վլադիմիր Զելենսկիի շնորհավորանքը կապված քաղաքի օրվան նվիրված: Երկրի նախագահը ֆեյսբուքյան իր էջում ջերմ շնորհավորանքներ է հղել քաղաքին, սակայն նրա խոսքերը քննադատության տեղիք են տվել: «Կիև եմ եկել 2003 թվականին: Ինքս գիտեմ, որ մայրաքաղաքում հատուկ սեր են տածում քաղաքը հմայելու եկած մարդկանց նկատմամբ: Կիևը հպարտ և խիստ քաղաք է: Հիանալի է զգալ ծաղկող լորիների և շաուրմայի հոտը` մետրոների դիմաց»,- գրել է Զելենսկին: «Շաուրմա՞: Իսկապե՞ս: Թեև ինչու զարմանալ, ավելիին նա ունակ չէր»,- գրել են սոցիալական ցանցերում: «Երջանկության և տխրության քաղաք, հեղափոխության, ազատության և հաղթանակների քաղաք, տաճարներ, Դնեպր և այլն… Այսպես պետք է նկարագրել քաղաքը, ոչ թե շաուրմա»,- հավելել են մյուսները: