Ուշագրավ մանրամասներ դատավոր Հովհաննես Ղազարյանի հայտարարագրից. 2015 ստացել է 170 հազար դոլարի նվիրատվություն
Հերթական դատավորի մասին ուշագրավ տվյալներ է հրապարակել «Ուրիշի փողերն ու մեր փողերը» ՖԲ էջը:
Շիրակի մարզի ընդհանուր իրավասության դատարանի դատավոր Հովհաննես Ղազարյանը բնակվում է 71 ամյա Նոյեմ Հովսեփյանի հետ (ամենայն հավանականությամբ մայրն է)։
Թոշակառու այս կինը, ըստ հայտարարագրի, 2016 թվականին 21,000,000 դրամի փոխառություն է հանձնել։ Ըստ նույն հայտարարագրի, կինը նաև զբաղվում է ձեռնարկատիրությամբ և 2016 թվականին 6,000 դոլարի եկամուտ է ունեցել։
Նոյեմ Հովսեփյանի անունով գրանցված բիզնեսը ոչ թե հասարակ մթերային խանութ է, կամ վարսավիրանոց, այլ Փաստաբանական գրասենյակ։ «Լեքսարթ» փաստաբանական գրասենյակ ՍՊԸ։
Իրավապահ մարմիններին ՖԲ էջն առաջարկում է ստուգել՝
1․ արդյո՞ք դատավոր Հովհաննես Ղազարյանի վարույթում երբևիցե եղել է այնպիսի քր․ գործ որի պաշտպանությունը իրակնացրել է «Լեքսարթ» փաստաբանական գրասենյակի որևէ փաստաբան,
2․ արդյո՞ք ընկերության իրական սեփականատերը Նոյեմ Հովսեփյանն է
Ի դեպ, Նոյեմ Հովսեփյանը նախկին դատավոր է։
Ի դեպ, դատավոր Հովհաննես Ղազարյանը 2015 թվականին ստացել է 170,000 դոլարի նվիրատվություն։
