«Փաստ». անհասկանալի վիճակ է Հանրային հեռուստաընկերությունում. ղեկավար կազմը միմյանց հետ լեզու չի գտնում
«Փաստ» թերթը գրում է. «Փաստ» թերթի տեղեկություններով, բավական լարված ու անհասկանալի վիճակ է ստեղծվել Հայաստանի հանրային հեռուստաընկերությունում: Բանն այն է, որ հանրայինի գործադիր տնօրեն Մարգարիտա Գրիգորյանը սկզբունքորեն հրաժարվում է անցնել Հայաստանի հանրային հեռուստառադիոընկերության խորհրդի «թրի տակով»:
Ինչպես խոսում են հեռուստաընկերությունում, նա, այսպես ասած, «պրիզնատ չի գալիս» ո՛չ խորհրդի նախագահ Արա Շիրինյանին, ո՛չ էլ վերջինիս խորհրդական Տիգրան Պասկեւիչյանին:
Գրիգորյանը, մեր աղբյուրների հաղորդմամբ, պնդում է, որ, մեղմ ասած, ոչ մի խնդիր չունի վարչապետ Նիկոլ Փաշինյանի եւ վարչապետի տիկնոջ՝ Աննա Հակոբյանի հետ, ուստի իրեն իրավունք է վերապահում ինքնուրույն որոշումներ կայացնել, թեպետ, օրենսդրության համաձայն, հանրային հեռուստաընկերության ղեկավար մարմինը հենց հանրային հեռուստառադիոընկերության խորհուրդն է»:
Առավել մանրամասն՝ թերթի այսօրվա համարում
