Երեկ հանրապետության ողջ տարածքում հատուկ պահպանվող տարածք է տեղափոխվել 207 մեքենա

Երեկ հանրապետության ողջ տարածքում հատուկ պահպանվող տարածք է տեղափոխվել 207 մեքենա։ Այս մասին Tert am-ի հետ զրույցում հայտնեցին ոստիկանության լրատվական բաժնից: «207 մեքենաներից 89-ը Երևանից են տարվել հատուկ պահպանվող տարածք, 118-ը՝ մարզերից: 71-ը վարել են անչափահասներ, որոնցից 29-ը Երևանում, 42-ը՝ մարզերում: 207-ից 37 դեպքում տրանսպորտային միջոցների վարորդները եղել են ոչ սթափ վիճակում»,- տեղեկացրին ոստիկանությունից:Նշենք, որ մեքենաները դեռևս ոստիկանությունում են: Կազմվելու են համապատասխան արձանագրություններ, որը ենթադրում է վարչական տույժ, նայած ինչ խախտում են կատարվել։ Հիշեցնենք, որ մայիսի 24–ին հանրապետությունում վերջին զանգն էր, և ինչպես նախորդ տարիներին, այս տարի ևս որոշ մեքենաները վարել են դպրոցականները, նաև կախվել են պատուհաններից և այլն։