Զինվորները նաև տապակած կարտոֆիլ կուտեն. Shantnews am

Լրագրողներն այսօր այցելել են ՀՀ ԶՈւ իրային բազա, որտեղ թիկունքի պետը և թիկունքային ծառայության պատասխանատուները ներկայացրել են զինվորականներին տրվող սնունդն ու հագուստը: Ինչպես հաղորդում է SHANTNEWS. am-ի թղթակիցը՝ զինծառայողներին տրվող ներքնազգեստը թարմացված է, կոշիկների փորձարկումներ են անում: Կոշիկների երկու տարբերակ է փորձարկվում, որոնցից մեկը՝ մեկ ամիս, մեկը՝ երեք ամիս: Նախատեսված է, որ կոշիկների փորձարկումից վեց ամիս պետք է անցնի, կոշիկն այդքան պիտի «ծառայի» զինվորին, փորձարկումն անցնելուց հետո արդեն կընտրեն: Հագուստների ու ներկայացված իրերի մեծ մասը Հայաստանում է արտադրվում: Զինծառայողներին նաև մեղր են տալիս փաթեթներով, այդքան է օրական չափաբաժինը, մնացածի դեպքում թարմացվել է որակը: Զինվորներին տրվող սննդի տեսականու զգալի մասը ևս Հայաստանում է արտադրվում, բացի խտացրած կաթից: Ի դեպ, պատասխանատուներն ընդառաջ են գնացել զինծառայողների, հատկապես ժամկետայինների ակնկալիքներին, տապակած կարտոֆիլ են մտցրել սննդակարգում, քանի որ նոր սերունդն ապուրներ չի սիրում: