ՏԵՍԱՆՅՈՒԹ. Քաշքշուկ «Լոռի»–«Փյունիկ» ֆուտբոլային խաղից հետո
Հայաստանի առաջնության 34–րդ մրցաշրջանի «Լոռի»–«Փյունիկ» (2:2) հանդիպման ժամանակ սկանդալային միջադեպ է տեղի ունեցել, ինչի հետևանքով «Փյունիկը» կարող է զրկվել չեմպիոնի կոչումից»: Խաղի 85–րդ րոպեին 2:2 հաշվով դատավոր Արտակ Սիմոնյանը «Փյունիկի» օգտին ակնհայտ 11 մետրանոց չի նշանակել։ ՀՖՖ դատավորների կոմիտեն որոշում է կայացրել որակազրկել Արտակ Սիմոնյանին մինչ քննության ավարտը։
Սակայն պարզում է՝ ամեն ինչ այդքանով չի սահմանափակվել։ Խաղից հետո կռիվ է սկսվել։ Համացանցում տարածված տեսանյութում երևում է` ինչպես է «Փյունիկի» ու ազգային հավաքականի կիսապաշտպան Էրիկ Վարդանյանը քար նետում քաշքշուկի մասնակիցներից մեկի ուղղությամբ։
