ՏԵՍԱՆՅՈՒԹ. Վրաստանում ձերբակալել են 8 գործող և 3 նախկին ֆուտբոլիստի

Վրաստանի Պետական անվտանգության ծառայության հակակոռուպցիոն գործակալության աշխատակիցներն անցկացված օպերատիվ-հետախուզական և քննչական գործողությունների արդյունքում սպորտային խաղերի մասնակիցներին կաշառելու և բարձրագույն լիգայում խաղացող ֆուտբոլիստների կողմից խաղեր դասավորելու փաստով ձերբակալել են 8 գործող և 3 նախկին ֆուտբոլիստի: Հետաքննությունը պարզել է, որ կազմակերպված խմբի անդամները կապ էին հաստատում ֆուտբոլայի ակումբների մարզիկների հետ և որոշ գումարի դիմաց գործարքի մեջ մտնում հակառակորդ թիմի հետ՝ նախապես պայմանավորված հաշվով: Նշված խաղերը նախապես պայմանավորված հաշվով ավարտելու համար կազմակերպված հանցավոր խմբի անդամները և ֆուտբոլիստներն ընդհանուր առմամբ ստացել են 93 500 լարի»,- նշված է ՊԱԾ հաղորդագրության մեջ: Հետաքննությունը վարում է Պետական անվտանգության ծառայության հակակոռուպցիոն գործակալությունը: