«Արսենալի» ֆուտբոլիստները Մխիթարյանի ծափահարություններով են ընդունել որոշումը
Լոնդոնի «Արսենալի» ֆուտբոլիստները Հայաստանի հավաքականի կիսապաշտպան Հենրիխ Մխիթարյանի՝ ֆուտբոլի Եվրոպայի լիգայի եզրափակիչին չմեկնելու որոշումն ընդունել են ծափահարություններով: Մարզումից առաջ Մխիթարյանն ակումբակիցներին հայտնել է, որ չի մեկնելու Բաքու:
Հիշեցնենք, որ մայիսի 29-ին Ադրբեջանի մայրաքաղաքում կայանալիք եզրափակիչում «Արսենալի» մրցակիցը կլինի Լոնդոնի «Չելսին»:
Նախկինում հայ կիսապաշտպանը բաց է թողել երկու արտագնա եվրագավաթային հանդիպումներ արդբեջանական ակումբների հետ։
2017-ին Հենրիխ Մխիթարյանը Եվրոպայի լիգայի գավաթակիր դարձել է «Մանչեսթեր Յունայթեդի» հետ:
