Նախօրեին ՌԴ մայրաքաղաք Մոսկվայի մետրոյում, Շելեպիխա և Խորոշևսկայա կայանների միջև, խափանումներ են եղել, ինչի հետևանքով 1000-ից ավելի մարդ 2 ժամից ավելի մնացել է գետնի տակ: Ըստ նախնական տվյալների` միջադեպի պատճառը կոնտակտային գծում լարվածության անկումն է եղել: Խափանումների պատճառով կանգ առած 3 գնացքներում եղել է մոտ 1000 մարդ: Նրանց սկսել են տարհանել դեպքից շուրջ 1.5 ժամ անց, երբ մոտեցել է պահեստային գնացքը: Ոմանք ստիպված են եղել սպասել մինչև 3 ժամ: Բարեբախտաբար ոչ ոք չի տուժել: