Աջափնյակի դատարանն արգելափակողների թվում եղել է նաև Կառավարության աշխատակազմի աշխատակիցը

Արցախի նախկին ՄԻՊ Ռուբեն Մելիքյանը ֆեյսբուքյան իր էջում գրում է․ «Հարգելիներ, ես սխալվում էի։ Աջափնյակի դատարանն արգելափակածներից ո՛չ բոլորն են թաղապետարանի աշխատակիցներ։ Ժողովրդական լայն զանգվածների փոխանցած տեղեկությունների հիման վրա պարզվել է, որ Դատարանն արգելափակողների թվում եղել է նաև Գործադիրի ներկայացուցիչ՝ Կառավարության աշխատակազմի աշխատակից պարոն Սասուն Մկրտումյանը (կանգնած է փոխթաղապետ Արամ Մանուկյանի վերևում՝ ձեռքերը կրծքին ծալած)։ Հավանաբար նա նույնպես ՔՊ անդամ է։ Ի գիտություն, Լուսավոր Հայաստան, Բարգավաճ Հայաստան, Հայ Յեղափոխական Դաշնակցութիւն, Հայաստանի Կոմունիստական Կուսակցություն ՀԳ. Մեջբերում եմ ԽՍՀՄ 1977թ. Սահմանադրության 6-րդ հոդվածը. Статья 6. Руководящей и направляющей силой советского общества, ядром его политической системы, государственных и общественных организаций является Коммунистическая партия Советского Союза. КПСС существует для народа и служит народу».