Զելենսկին առաջարկել է պատգամավորներին զրկել անձեռնմխելիությունից և ցրել Ռադան

Ուկրաինայի նորընտիր նախագահ Վլադիմիր Զելենսկին հայտարարել է Գերագույն ռադան ցրելու և պատգամավորներին անձեռնամխելիությունից զրկելու մասին: Այս մասին հայտնում է tvrain.ru-ն` հաղորդելով, որ Զելենսկին այս մասին ասել է Ռադայում կայացած երդմնակալության հանդիսավոր արարողության ժամանակ: Իր ելույթում նա նաև դիմել է երկրի կառավարությանը՝ կոչ անելով հրաժարական տալ: Russia Today-ը հավելում է, որ նախագահն առաջարկել է աշխատանքից ազատել երկրի գլխավոր դատախազին ու պաշտպանության նախարարին: Ի դեպ, քիչ առաջ հայտնի է դարձել, որ Ուկրաինայի Պաշտպանության նախարար Ստեփան Պոլտորակը հրաժարական է ներկայացրել: