Վրաստանի նախագահը Սաակաշվիլիին մեղադրել է հակապետական գործողությունների իրականացման համար
Վրաստանի նախագահ Սալոմե Զուրաբիշվիլին, մեկնաբանելով Վրաստանի նախկին ղեկավար Միխաիլ Սաակաշվիլիի՝ իր աջակիցներին ուղղված կոչը, այն «հակասահմանադրական և հակապետական» է որակել, գրում է eadaily. com-ը:
Զուրաբիշվիլին իր պաշտոնական ֆեյսբուքյան էջում գրել է, որ նախկին նախագահի «բացահայտ հակասահմանադրական և հակապետական հայտարարություններն անհանգստացումն են իրեն»:
Նախագահի կարծիքով՝ անկարգություններ անելու վերաբերյալ «Սաակաշվիլիի կոչը ոչ միայն հանցագործություն է, այլ՝ պետությանը հասցված վիրավորանք»:
Ավելի վաղ Սաակաշվիլին ֆեյսբուքյան տեսաուղերձի միջոցով կոչ էր արել իր կողմնակիցներին գրոհել ՏԻՄ ընտրություններն ու գործող իշխանություններին:
«Մենք պետք է գրոհենք, գրոհենք և միայն գրոհենք: Ամեն անգամ մեզ զրկում են ընտրություններից, կեղծում են դրանք: Իվանիշվիլին ամեն անգամ տարբեր հնարքների է դիմում»,-ասել էր Սաակաշվիլին:
Հիշեցնենք, որ Զուգդիդում քաղաքապետի ընտրություններում առաջադրվել է Սաակաշվիլիի կինը՝ Սանդրա Ռուլովսը:
