Բակո Սահակյանը մանրամասներ է ներկայացրել «Իմ քայլի» հետ ունեցած հանդիպումից. Tert am

Քիչ առաջ Ազգային ժողովում ավարտվեց Արցախի նախագահ Բակո Սահակյանի հանդիպումը «Իմ քայլը» խմբակցության պատգամավորների հետ: Լրագրողների հետ զրույցում Բակո Սահակյանը նշեց, որ քննարկել են բոլոր հարցերը, որոնք, ըստ իրենց որակումների, առաջնահերթ նշանակություն ունեն: Նա նշեց, որ շնորհակալություն է հայտնել խմբակցության ղեկավար Լիլիթ Մակունցին հանդիպման համար: Անդրադառնալով Ապրիլյան պատերազմի վերաբերյալ քննիչ հանձնաժողով ստեղծելու առաջարկին՝ Բակո Սահակյանն ասաց, որ ցանկալի է, որ նման հանձնաժողովներում ներգրավված լինեն այնպիսի մարդիկ, ովքեր մասնագիտորեն ի վիճակի են օգնելու և չբացահայտված փաստերը բացահայտելու: