ՀՀ վարչական դատարանը՝ դատավոր Գեւորգ Սոսունյանի նախագահությամբ, քիչ առաջ բավարարեց Սերժ Սարգսյանի թիկնազորի նախկին պետ Վարչագան Ղազարյանի (Սերժի Վաչոյի) հայցն ընդդեմ Բարձրաստիճան անձանց էթիկայի հանձնաժողովի։ Դատարանը պարտավորեցրեց հանձնաժողովին ոչնչացնել Վաչագան Ղազարյանի եւ նրա կնոջ 2017 թվականի տարեկան եւ 2018 թվականի պաշտոնի դադարեցման հայտարարագրերը եւ հօգուտ Վաչագան Ղազարյանին բռնագանձել 4000 դրամ որպես դատական ծախս։ Հրապարակումից հետո Վաչագան Ղազարյանը շնորհակալություն հայտնեց դատավորին։ Հիշեցնենք, որ Վաչագան Ղազարյանն ազատ է արձակվել 50 միլիոն դրամ գրավի դիմաց։ Վաչագան Ղազարյանը հանցագործությամբ պատճառված վնասը վերականգնել է։