Այսօր «Ժամանակ» թերթը գրել էր, որ քրեական հեղինակություններն իրենց պատժաժամկետը կանցկացնեն ԱԱԾ մեկուսարանում: Իշխանությունը որոշել է «օրենքով գողերին» մեկուսացնել մյուս կալանավորներից, որպեսզի նրանք չկարողանան ազդեցություն ունենալ կալանավայրերի եւ կալանավորների վրա: ArmDaily. am-ի հետ զրույցում Քրեակատարողական վարչության հանրային կապերի բաժնի պետ Նոնա Նավիկյանը հաստատել է լուրը. «Լուրը համապատասխանում է իրականությանը, քրեակատարողական հիմնարկներում մշտապես նմանատիպ փոփոխություններ լինում են։ Նախկնում ևս մի հիմնարկից մյուս հիմնարկն են տեղափոխվել դատապարտյալները»։ Հարցին՝ որքա՞ն ժամանակ է այս որոշումն ուժի մեջ մտել և քանի կալանավոր է տեղափոխվել՝ Նավիկյանը պատասխանեց. «Արդեն երկու օր, բայց որպես արդպիսին թիվ չենք տալիս, չեմ կարող թիվ ասել»։ Նշենք, որ կալանավորներին տեղափոխում են «Երևան-Կենտրոն» քրեակատարողական հիմնարկ, որը արդարադատության նախարարության ներքո է գործում և գտնվում է ԱԱԾ շենքում։