Հովիկ Աբրահամյանի վարորդը դատի է տվել Բնապահպանական տեսչությանը․ Փաստինֆո
«Մխչյան ֆիշ» ՍՊԸ-ն դատի է տվել Բնապահպանության և ընդերքի տեսչական մարմնին։
Պետական ռեգիստրի տվյալների համաձայն՝ «Մխչյան ֆիշ» ընկերությունը պատկանում է նախկին վարչապետ Հովիկ Աբրահամյանի վարորդին՝ Ամբիկ Գևորգյանին։ Պետռեգիստրի բազայից տեղեկացանք նմանատիպ մեկ այլ ընկերության՝ «Մխչյան ֆիշ ֆուդ»-ի մասին, որն էլ գրանցված է Հովիկ Աբրահամյանի եղբոր՝ Հենրիկ Աբրահամյանի անունով։
«Փաստինֆո»-ի հաղորդմամբ՝ Հովիկ Աբրահամյանի վարորդին պատկանող «Մխչյան ֆիշ» ՍՊԸ-ի հայցադիմումը բնապահպանության և ընդերքի տեսչական մարմնի 27.12.2018թ. 111 ակտն ամբողջությամբ վերացնելու պահանջի մասին է։
Դատարանը՝ Ալեքսանդրա Հարությունյանի նախագահությամբ, հայցը վարույթ է ընդունել և Բնապահպանության և ընդերքի տեսչական մարմնից պահանջել վիճարկվող որոշման ընդունման համար հիմք հանդիսացած վարչական վարույթի նյութերը։
