Վանաձորի թիվ 18 միջնակարգ դպրոցի տնօրեն Արմեն Մարաբյանը կասկածվում է առանձնապես խոշոր չափերի գումար յուրացնելու մեջ: Այս մասին Tert. am-ին հայտնեց ՀՀ գլխավոր դատախազության հանրային կապերի բաժնի պետ Արևիկ Խաչատրյանը: «Տնօրենը կասկածվում է աշխատանքի չհաճախած մերձավորներին աշխատանքի ընդունելու, նրանց աշխատավարձերը՝ 20 միլիոն դրամից ավելի, յուրացնելու մեջ»,-ասաց նա։ Արևիկ Խաչատրյանը հավելեց, որ փաստի առթիվ հարուցվել է քրեական գործ՝ ՀՀ քրեական օրենսգրքի 179 հոդվածի 2-րդ մասի 1-ին կետով, 179 հոդվածի 3-րդ մասի 1-ին կետով և 314 հոդվածի 1-ին կետով: