ՈՒՂԻՂ. ԱԺ նիստ. Քննարկում են Հարկային օրենսգրքի փոփոխությունները
Ազգային ժողովի նիստերի դահլիճում ԱԺ տնտեսական հարցերի մշտական հանձնաժողովի նախաձեռնությամբ տեղի են ունենում խորհրդարանական լսումներ. Օրակարգում «Հարկային օրենսգրքում փոփոխություններ եւ լրացումներ կատարելու մասին» եւ կից օրենքների նախագծերի փաթեթն է:
Նշենք, որ արդեն մեկ տարի է իշխանության ներկայացուցիչները, սկսած վարչապետ Նիկոլ Փաշինյանից խոսում են հարկային օրենսգրքում փոփոխություններ կատարելու նախագծի մասին:
Արդեն իսկ բազմաթիվ քննարկումներ են տեղի ունեցել այս նախագծի շուրջ, նաեւ բողոքի բազմաթիվ ակցիաներ սպասվող փոփոխությունների դեմ: Մասնավորապես, երկար ժամանակ բողոքի ակցիաներ էին իրականացնում փոխանակման կետերի եւ գրավատների ներկայացուցիչները, որոնց պետական տուրքը կտրուկ բարձրանում է նոր օրենսգրքով:
Բացի այդ, բողոքի ալիք էին բարձրացրել փաստաբանները, հաշվապահները, որոնց գործունեությունը նախատեսվում էր մտցնել ավելացված արժեքի հարկի դաշտ, սակայն ավելի ուշ հրաժարվեցին այդ մտադրությունից:
Հարկային օրենսգրքով նախատեսվում է անցնել եկամտային հարկի համահարթեցված տարբերակը՝ սահմանելով միասնական 23 տոկոս տոկոսադրույք: Նախատեսվում է տարեկան մինչեւ 124 մլն դրամի շրջանառություն ունեցող տնտեսվարողներին ազատել բոլոր տեսակի հարկերից:
