Հայաստանի Ազգային հավաքականի ու «Արսենալի» կիսապաշտպան Հենրիխ Մխիթարյանի ապագան լոնդոնյան ակումբում հարցականի տակ է: Այս մասին գրում է Armsport-ը` հղում անելով Daily Mail-ին: «Զինագործների» գլխավոր մարզիչ Ունայ Էմերին 7 ֆուտբոլիստի է դիտարկում, որոնք ամռանը կարող են հեռանալ թիմից: Նրանց թվում է նաև Հենրիխ Մխիթարյանը: Անցած ամառ «Արսենալի» գլխավոր մարզչի պաշտոնում Արսեն Վենգերին փոխարինած Էմերին ցանկանում է ուժեղացնել կազմն ընթացիկ մրցաշրջանի ավարտից հետո, բայց տրանսֆերտների համար ընդամենը 45 մլն եվրո բյուջե ունի: Նա ակումբի ղեկավարության կողմից նա երաշխիք է ստացել, որ ֆուտբոլիստների վաճառքներից ստացված գումարները կներդրվեն նոր տրանսֆերտներ իրականացնելու մեջ: Մխիթարյանն ու Օզիլը, որոնք «Արսենալի» բարձր վարձատրվող ֆուտբոլիստների թվում են, կարող են վաճառքի հանվել, քանի որ «զինագործները» ցանկանում են նաև նվազեցնել աշխատավարձերին հատկացվող գումարները: 7 ֆուտբոլիստների թվում են նաև Շկոդրան Մուստաֆին, Մոհամեդ Էլնենին, Կառլ Ջեկինսոնը, Կալում Չեմբերսը և Դավիդ Օսպինան: