Իսպանիայի Բուրգոս քաղաքը ճանաչել է Հայոց ցեղասպանությունը
Իսպանիայի Բուրգոս քաղաքի քաղաքային խորհուրդը ճանաչել է Հայոց ցեղասպանությունը: Ինչպես տեղեկանում ենք Բուրգոսի քաղաքային խորհրդի թվիթերյան էջիցՙ որոշումն ընդունվել է միաձայն:
«Քաղաքային խորհրդի բոլոր քաղաքական ուժերը միաձայն հավանության են արժանացրել Հայոց ցեղասպանությունը ճանաչելու մասին միջնորդությունը», - նշվում է հաղորդագրությունում:
Այսպիսով, Բուրգոսը դարձավ 34-րդ իսպանական քաղաքը, որը ճանաչել է Հայոց ցեղասպանությունը:
