Հակոբ Մկրտչյանը՝ ծանրամարտի Եվրոպայի չեմպիոն
Բաթումում ընթացող ծանրամարտի Եվրոպայի առաջնության ընթացքում գյումրեցի Հակոբ Մկրտչյանը մինչև 89 կգ քաշայինների մրցապայքարում հռչակվել է Եվրոպայի չեմպիոն:
Մարզիկը պոկում վարժությունում 4-րդն էր, իսկ հրում վարժությունում դուրս էր մրցակցությունից:
Հակոբը երկրորդ մոտեցմանը սանձել է 207 կգ. ծանրաձողը և դարձել անհասանելի մյուսների համար: Երրորդ մոտեցման անհրաժեշտություն այլևս չի եղել:
Հակոբ Մկրտչյանը 371 կգ ընդհանուր արդյունքով գրավել է առաջին տեղը: Մեր մյուս մարզիկը՝ Դավիթ Հովհաննիսյանը, դարձել է բրոնզե մեդալակիր՝ երկամարտի 360 կգ արդյունքով:
