Պելեին մեկ շաբաթ անց դուրս են գրել հիվանդանոցից

Բրազիլիայի հավաքականի կազմում ֆուտբոլի աշխարհի եռակի չեմպիոն դարձած Պելեն դուրս է գրվել Փարիզի հիվանդանոցից, որտեղ հայտնվել էր անցյալ շաբաթ: Այս մասին հաղորդել է Globo հեռուստաալիքը: ,,Ֆրանսիայում ոչ միայն մեծագույն ֆուտբոլիստներ կան, այլև հրաշալի բժիշկներ,,- ասել է Պելենՙ շնորհակալություն հայտնելով ցուցաբերված օգնության համար: Ինչպես մանրամասնել է հեռուստաալիքը, ֆուտբոլի լեգենդը բժիշկների հսկողության տակ է եղել վերջին 5 օրը, որի ընթացքում հակաբիոտիկներ է ընդունել միզուղիների ինֆեկցիայի սրման դեմ: