Տրանսգենդերի ելույթը պրովոկացիա է ԲՀԿ-ի դեմ. Ծառուկյան
Դա պրովոկացիա է ոչ թե «Իմ քայլի» դեմ, այլ «Բարգավաճ Հայաստան» կուսակցության դեմ, լրագրողների հետ զրույցում ասել է ԲՀԿ նախագահ Գագիկ Ծառուկյանը՝ մեկնաբանելով վարչապետ Նիկոլ Փաշինյանի այն հայտարարությունը, որ տրանսգենդերի հետ կապված պատմությունը եղել է կազմակերպված պրովոկացիա ընդդեմ «Իմ քայլի»:
«Այսօր ես ասում եմ, որ մենք շատ ուրախ կլինենք, որ պարոն վարչապետն օգտագործի իր բոլոր հնարավորությունները, այդ «ռիչակներն ունի», որ հանձնարարի, երկու ժամում կբացահայտեն, և մենք շատ շնորհակալ կլինենք, և ժողովուրդն էլ ազնիվ կիմանա, թե այդ պրովոկատորներն ովքեր են»,- ասել է Գագիկ Ծառուկյանը:
Հիշեցնենք, որ օրեր առաջ Ազգային ժողովի նիստերի դահլիճում Մարդու իրավունքների պաշտպանության և հանրային հարցերի մշտական հանձնաժողովի կազմակերպած լսումների ընթացքում ելույթ էր ունեցել տրանսգենդեր: Հանձնաժողովի նախագահ Նաիրա Զոհրաբյանը հայտարարել էր, որ օրակարգից դուրս է ելույթ ունեցել և նշել էր, որ նախապես կազմակերպված է եղել նրանց ելույթը:
Նիկոլ Փաշինյանը, այս թեմային անդրադառնալով, ասել էր, որ ԲՀԿ կուսակցության ներկայացուցիչ Նաիրա Զոհրաբյանն է ստորագրել է ելույթների ցուցակը:
