Կրասնոդարում Ադրբեջանի քաղաքացին դատարանի առջև կկանգնի Սոչիում իր զուգընկերուհու մանկահասակ աղջկան բռնաբարելու եւ սպանելու համար: Ինչպես հայտնում են ռուսական լրատվականները՝ հետաքննության վարկածով, 2018թ․ մարտի 13-ին մեղադրյալը իր զուգընկերուհու 5-ամյա աղջկա հետ գտնվել է տանը։ Աղջկա մայրն այդ ժամանակ հիվանդանոցում է եղել, երբ ղամարդն օգտվելով երեխայի անօգնական վիճակից նրա հանդեպ սեռական բնույթի բռնի գործողություններ կատարել, որից հետո երեխային հարվածներ է հասցրել և գնացել քնելու։ Առավոտյան տղամարդը հայտնաբերել է, որ աղջիկը կենդանության նշաններ չի ցուցաբերում, եւ նրա մարմինը պայուսակի մեջ դնելով՝ տարել է գետի ափ ու վրան քարեր լցրել, հարեւաններին էլ հայտնել, թե աղջիկը կորել է եւ սկսել է ինքնուրույն որոնումների տպավորություն ստեղծել, իսկ հետո դադարել է կապի դուրս գալ։ Ավելի ուշ տղամարդը կալանավորվել է Ադլերի շրջանի հոսթելներից մեկում։ Մասնագետները պարզել են, որ աղջկա մահը վրա է հասել որովայնի բութ վնասվածքի հետեւանքով։ Հետաքննությունը բավարար ապացույցներ է հավաքել եւ գործն ուղարկել է Կրասնոդարի մարզային դատարան։