ՀՀ Ազգային ժողովը շարունակում է հերթական նիստերի աշխատանքը: Քննարկվում է ՀՀ «Հայաստանի Հանրապետության Կառավարության 2018 թվականի հունիսի N 581-Ա որոշմամբ հավանության արժանացած՝ Հայաստանի Հանրապետության Կառավարության ծրագրի կատարման ընթացքի և արդյունքների մասին» զեկույցը: Պատգամավորների հարցերին պատասխանում է վարչապետ Նիկոլ Փաշինյանը: Հիշեցնենք, որ վարչապետը խորհրդարանին ներկայացնելով ընթացիկ տարվա տնտեսական ցուցանիշները՝ ընդգծել էր, որ պետական բյուջեի եկամուտները 2019-ին կգերակատարվեն 40 մլրդ դրամով, որի շնորհիվ հուլիսից նախատեսվում է 10 տոկոսով բարձրացնել ՀՀ ԶՈւ զինծառայողների, իսկ սեպտեմբերից՝ շուրջ 38,000 ուսուցիչների աշխատավարձերը: Այնուհետև ԱԺ-ն կքննարկի «Պետական կենսաթոշակների մասին» Հայաստանի Հանրապետության օրենքում լրացումներ և փոփոխություններ կատարելու մասին» օրենքի նախագիծը երկրորդ ընթերցմամբ: Նշենք, որ Ազգային ժողովի հերթական նիստերի ավարտից անմիջապես հետո կգումարվի Ազգային ժողովի արտահերթ նիստ` նախաձեռնողի սահմանած օրակարգով: