ՏԵՍԱՆՅՈՒԹ. ՀՀԿ-ականները, թաշկինակներն առած, լաց էին դրել ԵԽԽՎ-ի միջանցքներում․ Փաշինյան

Երրորդ Հանրապետության մեջ առաջին անգամ է, երբ համազեկուցողները գալիս են, և այցի արդյունքներով 0 պրետենզիա ՀՀ կառավարության նկատմամբ, 0 կասկած Հայաստանի կառավարության մտադրությունների նկատմամբ, 0 կասկած ՀՀ-ում տեղի ունեցող քաղաքական փոփոխությունների վեկտորի նկատմամբ: ԱԺ-ում նման հայտարարություն արեց վարչապետ Նիկոլ Փաշինյանը: Նա նշեց, որ ընդամենը 2 օր առաջ հրապարակվեց Եվրոպայի խորհրդի խորհրդարանական վեհաժողովի Հայաստանի համազեկուցողների հաղորդագրությունը Հայաստան կատարած այցի մասին: «Եվ սրանք բաներ են, որոնք ոչ ոք չի նկատում: Եվ ես սա չեմ ասում որպես պրետենզիա, այլ որպես հաջողություն: Եվ ես ուզում եմ արձանագրել, որ սա մեր ամենակարևոր հաջողությունն է»,- ասել է վարչապետը: Նա նաև իր ուշադրությունը հրավիրել է այն փաստի վրա, որ, իր խոսքով, սկսած 2018 թ.-ի մայիսից, նախկին ԱԺ մեծամասնությունը «թաշկինակները առած առավոտից լացեր էին դնում ԵԽԽՎ-ի միջանցքներում, թե վայ մեզ էստեղ հալածում են, չգիտեմ, ինչ են անում»: Մանրամասները` News. am-ի տեսանյութում: