Արդեն մի քանի ժամ է Կառավարության շենքի դիմաց հավաքվել են գրավատան, տարադրամի փոխանակման կետերի ներկայացուցիչները, դժգոհելով «Պետական տուրքի մասին ՀՀ օրենքում փոփոխություններ և լրացումներ կատարելու մասին» նախագծից։ Նշենք, որ նախագծով նախատեսվում է 60 անգամ, մոտ 6000 %-ով ավելացնել նշյալ ոլորտների պետական տուրքը, ըստ որի՝ գրավատների համար ներկայիս 100 000 դրամի փոխարեն կսահմանվի 6 000 000, իսկ տարադրամի փոխանակման կետերի համար՝ 50 000-ի փոխարեն 3 000 000 դրամ պետական տուրք: AuroraNews-ը պարզաբանում ստանալու նպատակով կապ հաստատեց Կենտրոնական բանկի մամուլի խոսնակ Հարութ Կբեյանի հետ։ Կբեյանը մեզ հետ ունեցած զրույցում ընդգծեց, որ սա դեռ ընդամենը նախագիծ է, որում հնարավոր է փոփոխություններ իրականացնել։ ԿԲ խոսնակի խոսքով՝ փոփոխությունները նախատեսված են ֆինանսական կայունություն ապահովվելու համար։ Առավել մանրամասն՝ տեսանյութում